Darganfod Helygain | Mynydd Helygain

Dewch i weld Mynydd Helygain a mwynhau’r golygfeydd gwych dros Aber y Ddyfrdwy a thua Bryniau Clwyd. Ni chafodd y dirwedd wyllt agored hon ei chau erioed ac mae’n dal yn dir comin. Mae tua dau gan eiddo yn dal hawliau tir comin gan gynnwys hawliau pori, a cheir dros 1500 o ddefaid yn pori’r comin gan gadw’r eithin a’r rhedyn o dan reolaeth a chynnal cymeriad agored y dirwedd.

[forecast location=”53.233333,-3.200000″ measurement=’C’ caption=”” todaylabel=”Today” datelabel=”date(‘d/m’)” highlow=’%%high%%°/%%low%%°’ numdays=”3″ iconset=”Incredible” class=”css_table_class” cache=”true” width=”100%” hidedata=”search” layout=”simple”]

Cewch grwydro’n rhydd ar y Comin ond mae nifer o lwybrau cyhoeddus yma hefyd a grëwyd gan bobl wrth eu bywyd beunyddiol ac ar eu ffordd i’r gwaith, yr ysgol neu’r capel a’r eglwys. Ar y Llwybr Plwm a Chalchfaen cewch olwg ar ran ganol y Comin lle gwelwch rai creigiau diddorol a thystiolaeth o gloddio am blwm a chwarela. Dyma le da i weld y blodau arbennig sy’n tyfu ar y comin.

Yn yr Adran Dysgu cewch lawer o wybodaeth am gloddio am blwm, chwarela a bywyd ar Fynydd Helygain ers talwm. Hefyd cewch flasu gemau a gweithgareddau hwyliog.

Eiddo Stadau Grosvenor yw Comin Mynydd Helygain a dynodwyd yn Ardal o Gadwraeth Arbennig, felly cofiwch ddarllen y Cod Ymddygiad cyn eich ymweliad.

Cod Comin Helygain

Rhybudd: Cymerwch ofal yn ymyl hen weithfeydd cloddio. Mae nifer o siafftau pyllau ar hyd a lled Comin Helygain mewn sawl cyflwr gwahanol o ran eu diogelwch. Mae llawer yn ddwfn ac yn disgyn yn syth. Gofynnir ichi roi gwybod am unrhyw siafftau a ail-agorwyd i Swyddfa Stad Grosvenor:

The Estate Manager, Eaton Estate Office, Eccleston, Chester CH4 9ET

Rhif ffôn: 01244 684400

Lluniaeth

Beth am orffen eich taith ar Fynydd Helygain gyda phaned, llymaid neu bryd o fwyd?

Sylwch y gall yr oriau agor newid a gall tafarnwyr newid felly cofiwch daro golwg ar y wefan neu ffonio o flaen llaw os oes modd.

The Blue Bell Inn, Halkyn

Gwefan: http://www.bluebell.uk.eu.org/
Tel: 01352-780309
Ar agor o 5pm Llun, Mercher, Iau a Gwener (ar gau dydd Mawrth)
Ar agor o ganol dydd Sad a Sul
Teithiau cerdded am ddim dair gwaith yr wythnos o’r dafarn (gwelwch y wefan am wybodaeth)